اردو ورلڈ کینیڈا ( ویب نیوز )بھارتی وزیراعظم نریندر مودی نے مقبوضہ کشمیر اسمبلی میں آرٹیکل 370 کی منسوخی کے خلاف منظور کی گئی قرارداد پر ردعمل دیتے ہوئے کہا ہے کہ دنیا کی کوئی طاقت آرٹیکل 370 کو واپس نہیں لاسکتی۔واضح رہے کہ اگست 2019 میں بھارتی حکومت نے یکطرفہ طور پر مقبوضہ کشمیر کی حیثیت تبدیل کر دی تھی۔ مقبوضہ کشمیر کی نئی اسمبلی کے پہلے اجلاس میں ارکان نے خطے کی خصوصی حیثیت بحال کرنے کا مطالبہ کیا۔
کشمیر میڈیا رپورٹ کے مطابق میٹنگ میں موجود بی جے پی ایم ایل ایز نے پی ڈی پی سے معاہدے کی کاپیاں چھیننے کی کوشش کی جس پر سارجنٹ ایٹ آرمز نے ہنگامہ آرائی کرنے والے بی جے پی ارکان کو باہر نکال دیا۔یاد رہے کہ سپریم کورٹ آف انڈیا کے سبکدوش ہونے والے چیف جسٹس نے بھی آرٹیکل 370 کی منسوخی کی تصدیق کی تھی لیکن ساتھ ہی ریاستی انتخابات کرانے کا حکم دیا تھا۔
