اردو ورلڈ کینیڈا ( ویب نیوز )شمالی کوریا نے پیر کی صبح 2 نئے بیلسٹک میزائلوں کا تجربہ کیا ہے۔جنوبی کوریا کے جوائنٹ چیفس آف اسٹاف کی جانب سے جاری بیان میں کہا گیا ہے کہ شمالی کوریا نے 10 منٹ کے وقفے سے شمال مشرقی سمت میں 2 میزائل داغے۔ ایک میزائل نے 370 میل اور دوسرے نے 75 میل کا فاصلہ طے کیا۔ یہ معلوم نہیں ہو سکا کہ دونوں میزائل کس علاقے میں گرے۔جنوبی کوریا کے حکام نے یہ بھی کہا کہ شمالی کوریا کی طرف سے داغے گئے میزائل میں خرابی دکھائی دیتی ہے اور ہو سکتا ہے کہ وہ گر کر تباہ ہو گیا ہو۔ میزائل کے ملبے سے کسی نقصان کی اطلاع نہیں ملی۔شمالی کوریا نے جاپان اور جنوبی کوریا کی مشترکہ جنگی مشقوں پر برہمی کا اظہار کرتے ہوئے اپنے ردعمل کا اعلان کیا۔ جنوبی کوریا کے مطابق ایک نیا میزائل تجربہ ممکنہ ردعمل ہو سکتا ہے۔
17