163
اردو ورلڈ کینیڈا ( ویب نیوز ) شمالی کوریا نے جاپان کے ساحل سے کم فاصلے تک
مار کرنے والے 3 بیلسٹک میزائلوں کا تجربہ کیا ہے۔ جنوبی کوریا کے
فوجی ترجمان کے مطابق ہفتے کی صبح 8 بجے شمالی کوریا کے دارالحکومت
پیانگ یانگ کے جنوب سے مشرقی سمندر کی طرف تین میزائل داغے گئے۔
فوجی ترجمان کا کہنا ہے کہ شمالی کوریا کے مسلسل میزائل تجربات کے بعد اس نے اپنے سرحدی علاقوں کی
نگرانی بڑھا دی ہے اور امریکا کے ساتھ مشقیں جاری رہیں گی۔اس حوالے سے جنوبی کوریا کا کہنا ہے کہ
شمالی کوریا کا میزائل تجربہ سلامتی کونسل کی قرارداد کی صریح خلاف ورزی ہے، شمالی کوریا کا بیلسٹک میزائل
تجربہ سنگین اشتعال انگیزی ہے۔دوسری جانب جاپان کی وزارت دفاع نے اپنے بیان میں کہا ہے کہ شمالی کوریا کا
بیلسٹک میزائل مشرقی ساحل کی جانب پانی میں گرا۔
