اردو ورلڈ کینیڈا ( ویب نیوز)وفاقی حکومت نے نئے آرمی چیف اور چیئرمین جوائنٹ چیفس آف سٹاف کمیٹی کے گزٹ نوٹیفکیشن جاری کر دیئے۔
وفاقی حکومت کی جانب سے جاری کردہ گزٹ نوٹیفکیشن کے مطابق سحر شمشاد مرزا کی جنرل کے عہدے پر ترقی اور چیئرمین جوائنٹ چیفس آف اسٹاف کمیٹی کے عہدے پر تقرری کا اطلاق 27 نومبر سے ہوگا۔
گزٹ نوٹیفکیشن کے مطابق ساحر شمشاد مرزا کو تین سال کے لیے چیئرمین جوائنٹ چیفس تعینات کیا گیا ہے۔
نوٹیفکیشن کے مطابق سید عاصم منیر کی جنرل کے عہدے پر ترقی اور چیف آف آرمی اسٹاف تقرری کا اطلاق 29 نومبر سے ہوگا جب کہ جنرل عاصم منیر کو بھی تین سال کے لیے آرمی چیف تعینات کیا گیا ہے۔
جنرل سید عاصم منیر 29 نومبر کو 17ویں آرمی چیف کے طور پر کمان سنبھالیں گے۔
اس کے علاوہ وفاقی حکومت نے آرمی چیف جنرل قمر جاوید باجوہ اور چیئرمین جوائنٹ چیفس جنرل ندیم رضا کی ریٹائرمنٹ کا نوٹیفکیشن بھی جاری کر دیا ہے۔
نوٹیفکیشن کے مطابق آرمی چیف جنرل قمر جاوید باجوہ 29 نومبر کو ریٹائر ہوں گے اور چیئرمین جوائنٹ چیفس جنرل ندیم رضا 27 نومبر کو ریٹائر ہوں گے۔
