141
اردو ولڈ کینیڈا ( ویب نیوز )الیکشن کمیشن آزاد جموں و کشمیر نے وزیراعظم سردار تنویر الیاس کی نااہلی کا نوٹیفکیشن جاری کر دیا ہے جبکہ نئے وزیر اعظم کے انتخاب تک خواجہ فاروق عبوری وزیر اعظم ہونگے ،سردار تنویر الیاس حلقہ ایل اے 15 باغ سے الیکشن جیت کر اسمبلی میں آئے، وہ 27 جولائی 2021 کو رکن اسمبلی منتخب ہوئے اور 18 اپریل 2022 کو سردار تنویر الیاس نے وزارت عظمیٰ کا حلف اٹھایا۔
توہین عدالت کیس،وزیر اعظم آزاد کشمیر نا اہل قرار
اس سے قبل آزاد کشمیر ہائی کورٹ نے وزیراعظم آزاد کشمیر تنویر الیاس کو نااہل قرار دے دیا تھا، عدالت نے سردار تنویر الیاس کو توہین عدالت کا مرتکب قرار دیا تھا، آزاد کشمیر کے وزیراعظم کو عدلیہ کی توہین کے الزام میں طلب کیا گیا تھا۔
وزیراعظم سردار تنویر الیاس آزاد کشمیر ہائی کورٹ میں پیش ہوئے او رغیر مشروط معافی مانگ لی جسے مسترد کردیا گیا۔ انہوں نے لکھا کہ سپریم کورٹ سے غیر مشروط معافی مانگتا ہوں۔
قبل ازیں سردار تنویر الیاس نے کہاتھا اتنے فارغ نہیں کہ اگلے دن آجائیں ریاست کو یرغمال نہیں بننے دیں گے، باقی لوگ جتنے صاف ہیں وہ سب کچھ جانتے ہیں۔ فل بنچ نے انہیں توہین عدالت قرار دیتے ہوئے نااہل قرار دیا تھا۔
