اردو ورلڈ کینیڈا ( ویب نیو ز )  روس میں برطانوی سفارت کاروں کی نقل و حرکت محدود کر دی گئی۔

روسی وزارت خارجہ کے مطابق برطانوی سفارت کاروں کو 120 کلومیٹر سے زیادہ سفر کرنے کے لیے اجازت حاصل کرنا ہوگی اور انہیں اپنے سفر سے 5 دن پہلے مطلع کرنا ہوگا۔

پابندی کے تحت برطانوی سفارت کاروں کو سفر کی وجہ، دورے کی نوعیت، زائرین کے رابطہ نمبر، ساتھ آنے والے افراد کی تفصیلات، سفر کے دوران استعمال ہونے والی گاڑیوں کی تفصیلات، سفر کا روٹ بشمول مقامات اور رہائش کی معلومات فراہم کرنا ہوں گی۔روسی وزارت خارجہ کا کہنا ہے کہ برطانوی سفارت کاروں کی نقل و حرکت محدود کرنے کا فیصلہ برطانیہ کے مخاصمانہ اقدامات کے باعث کیا گیا ہے۔اس کے علاوہ روسی وزارت خارجہ نے بھی یوکرین کے دہشت گردانہ اقدامات کی حمایت پر برطانوی وزیر مملکت کو طلب کر کے احتجاج ریکارڈ کرایا ہے۔