اردو ورلڈ کینیڈا ( ویب نیوز)وزیر خارجہ نے کہا کہ سیاسی مخالفین کی کرپشن پر جھوٹ پھیلانے والا رنگے ہاتھوں پکڑا گیا
موجودہ مخلوط حکومت نے توشہ خانہ ریفرنس میں پی ٹی آئی چیئرمین عمران خان کے خلاف الیکشن کمیشن آف پاکستان کے فیصلے کا خیرمقدم کیا اور کہا کہ "انصاف ہوا”۔
وزیر اعظم شہباز شریف نے اپنے آفیشل ٹویٹر ہینڈل پر کہا کہ الیکشن کمیشن نے عمران کے خلاف کیس میں انصاف کیا۔
انہوں نے کہا کہ قوم نے دیکھا ہے کہ وزارت عظمیٰ کے عہدے کو بدعنوانی کے ذریعے ذاتی کمائی کیلئے استعمال کیا گیا۔
ان کا کہنا تھا کہ عمران کو قانون سے لڑنے کے بجائے قانون کے سامنے سر جھکانا چاہیے کیونکہ کوئی بھی قانون سے بالاتر نہیں ہے۔
وزیر خارجہ اور پی پی پی کے چیئرپرسن بلاول بھٹو نے اس بات کا اعادہ کیا کہ عمران نااہل ہوچکے یہ دوسروں کو چورکہتے تھے
انہوں نے مزید کہا کہ جو شخص اپنے سیاسی مخالفین کی مبینہ کرپشن کے بارے میں جھوٹ پھیلاتا ہے اسے رنگے ہاتھوں پکڑا گیا ہے۔
الیکشن کمشن نے توشہ خانہ ریفرنس میں انصاف کیا۔ قوم نے دیکھ لیا کہ کرپٹ پریکٹس کرکے وزیراعظم کے منصب کو ذاتی آمدنی کا ذریعہ بنایاگیا۔ “صداقت وامانت” کا بُت پاش پاش ہوگیا۔ قانون سے لڑنے، گولیاں،ڈنڈے چلانے / فسادی جتھے لانے کے بجائے قانون کے سامنے سر جھکائیں۔کوئی قانون سے بالا نہیں
— Shehbaz Sharif (@CMShehbaz) October 21, 2022
وزیر خارجہ کی ٹویٹ کو وزیر دفاع خواجہ آصف نے ریٹویٹ کیا، جس میں مزید کہا گیا کہ پی ٹی آئی چیئرمین کو رنگے ہاتھوں پکڑا گیا ہے
Election commission of Pakistan has found Imran Khan guilty of corrupt practices. He now stands disqualified. He who would spread lies about alleged corruption of his political opponents has been caught red handed.
— BilawalBhuttoZardari (@BBhuttoZardari) October 21, 2022
مسلم لیگ (ن) کی رہنما مریم نواز نے کہا کہ "پاکستان کے پہلے تصدیق شدہ جھوٹے اور تصدیق شدہ چور کو چوری کے ناقابل تردید ثبوتوں کے ساتھ نااہل قرار دیا گیا
انہوں نے کہا کہ چوری کی شدت کو دیکھتے ہوئے سزا کا خاتمہ نااہلی پر نہیں ہونا چاہیے بلکہ عمران کو گرفتار کرکے قانون کے کٹہرے میں لایا جانا چاہیے اور لوٹی ہوئی رقم واپس کی جانی چاہیے۔
پاکستان کا پہلا سرٹیفائڈ جھوٹا اور سند یافتہ چور جو چوری کے نا قابل تردید ثبوتوں کے ساتھ نا اہل ہوا۔ میاں بیوی نے مل کر قومی خزانے کو لوٹا۔ جتنی بڑی چوری ہے اسکی سزا صرف نااہلی پر ختم نہیں ہونی چاہیے۔ اسکو گرفتار کر کے قانون کے سامنے پیش کرنا چاہیے اور لوٹا پیسہ واپس لینا چاہیے۔ pic.twitter.com/5gNffXw0ID
— Maryam Nawaz Sharif (@MaryamNSharif) October 21, 2022
