اردوورلڈکینیڈا(ویب نیوز ) فلسطینی مزاحمتی تنظیم حماس کے عسکری ونگ القسام بریگیڈز کے ترجمان ابو عبیدہ نے کہا کہ ہم غزہ جنگ بندی معاہدے کا احترام کرنے کے لیے پرعزم ہیں۔
ثالث کو اسرائیل کو بھی معاہدے کا احترام کرنے کا پابند بنانا چاہیے۔غزہ میں جنگ بندی شروع ہونے کے بعد اتوار کو مصر سے امدادی سامان کے ٹرک غزہ میں داخل ہونے لگے۔جنگ بندی کے پہلے دن حماس نے تین اسرائیلی خواتین قیدیوں کو رہا کیا ۔ریڈ کراس کی ایک ٹیم اس وقت اسرائیلی جیل میں رہا کیے گئے فلسطینی قیدیوں کی تصدیق کر رہی ہے۔
حماس کے عسکری ونگ القسام بریگیڈز کے ترجمان ابو عبیدہ کا کہنا ہے کہ جنگ بندی معاہدے کی کامیابی کا انحصار اسرائیلی کارروائی پر ہوگا۔ان کا کہنا تھا کہ اسرائیل کی جانب سے معاہدے کی خلاف ورزی پورے عمل کو خطرے میں ڈال دے گی۔ ہم غزہ جنگ بندی معاہدے کا احترام کرنے کے لیے پرعزم ہیں۔ ثالثوں کو اسرائیل کو بھی معاہدے کا احترام کرنے کا پابند کرنا چاہیے۔ابو عبیدہ نے مزید کہا کہ غزہ پر قبضہ تمام برائیوں کی جڑ ہے اور ہم اس قبضے کو ختم کریں گے اور غزہ پر قبضے کو برقرار رکھنے کی تمام کوششوں کی بھرپور مخالفت کریں گے۔
