اردو ورلڈ کینیڈا ( ویب نیوز ) اسلامی تعاون تنظیم (او آئی سی) نے سویڈن کے خصوصی ایلچی کا درجہ معطل کرنے کا فیصلہ کیا ہے۔

اس حوالے سے او آئی سی کے جنرل سیکرٹریٹ نے حکومت سویڈن کو اس فیصلے سے آگاہ کر دیا ہے کہ ان کے خصوصی ایلچی کا درجہ ختم کیا جا رہا ہے۔

یہ بھی پڑھیں

سویڈن میں ملعون شخص نے ایک بار پھر قرآن پاک کی بے حرمتی کی، عراقی پرچم کی بھی توہین

او آئی سی کی ایگزیکٹو کمیٹی کے ایک غیر معمولی اجلاس میں سویڈن کے خصوصی ایلچی کا درجہ ختم کرنے کی سفارش کی گئی۔ اجلاس میں او آئی سی نے اسلامی مقدس مقامات پر بار بار حملوں کے خلاف بعض رکن ممالک کے احتجاج کا خیر مقدم کیا۔او آئی سی کے سیکرٹری جنرل نے کہا کہ او آئی سی کے رکن ممالک کو چاہیے کہ وہ آزادانہ فیصلے کریں، سویڈش حکام کی جانب سے قرآن پاک اور اسلامی علامتوں کی حرمت پر حملوں کی مذمت کرتے ہوئے اپنے موقف کا اظہار کریں اور آزادی کے بہانے ریاستوں کے ایسے ذلت آمیز اقدامات کو مسترد کریں۔