اردوورلڈ کینیڈا( ویب نیوز)یومِ آزادی کے موقع پر اسلام آباد میں واقع پاکستان مونومنٹ پر پرچم کشائی کی تقریب منعقد ہوئی، جس میں وزیرِاعظم شہباز شریف نے قومی پرچم لہرایا۔

اس موقع پر وفاقی وزراء کے ساتھ ساتھ اسکولوں کے طلبہ کی بڑی تعداد بھی شریک تھی۔ ثقافتی ملبوسات پہنے ننھے بچے وزیرِاعظم کے استقبال کے لیے موجود تھے اور انہوں نے پھول پیش کیے۔
تقریب کے دوران ملی جذبے کے ساتھ قومی ترانہ پڑھا گیا، جبکہ وزیرِاعظم نے ملک کی سلامتی، خوشحالی اور ترقی کے لیے خصوصی دعا کی۔ بعد ازاں انہوں نے یادگارِ پاکستان پر پھول بھی چڑھائے۔