انسداد دہشت گردی کی عدالت لاہور نے 9 مئی کے واقعات پر درج مقدمات میں اسد عمر اور چیئرمین پی ٹی آئی کی دونوں بہنوں کی عبوری ضمانت پر سماعت کی جس میں عدالت نے تمام ملزمان سے تفتیش کا حکم دے دیا۔
سماعت کے دوران اسد عمر اور چیئرمین پی ٹی آئی کی دونوں بہنیں انسداد دہشت گردی کی عدالت میں پیش ہوئیں، جہاں تفتیشی افسر نے موقف اختیار کرتے ہوئے کہا کہ ہم ملزمان کی گرفتاری چاہتے ہیںعبوری ضمانتیں 2 ماہ سے چل رہی ہیں۔
ملزمان تفتیشی افسر اور جے آئی ٹی کے سامنے پیش نہیں ہو رہے۔ غلط بیانی کی جارہی ہے کہ ملزمان تفتیش میں شامل ہونے گئے ہیں اور تفتیشی افسر نہیں ملا۔
ملزمان کے وکیل نے عدالت سے کہا کہ بتائیں اسد عمر اور دونوں بہنوں پر کیا الزامات ہیں۔ ہم جانتے ہیں کہ انہوں نے تمام ملزمان کو مجرم لکھا ہے۔ تحقیقات کے بعد بھی انہیں یہی کرنا پڑتا ہے۔
انسداد دہشت گردی عدالت کے جج ارشد جاوید نے عبوری ضمانت کی سماعت کے بعد اسد عمر اور دیگر ملزمان کی ضمانت میں 22 نومبر تک توسیع کردی