اردو ورلڈ کینیڈا ( ویب نیوز)عیدالفطر کے موقع پر صدر مملکت ڈاکٹر عارف علوی نے قیدیوں کی سزاؤں میں کمی کا اعلان کیا ہے۔
عیدالفطر کے موقع پر صدر مملکت ڈاکٹر عارف علوی نے قیدیوں کی سزاؤں میں 90 دن کی کمی کا اعلان کیا ہے جس کے تحت پنجاب کی جیلوں میں بند 129 قیدیوں کو رہا کر دیا گیا ہے۔
عیدالفطر کے موقع پر سزاؤں میں کمی کے اعلان کے تحت مجموعی طور پر 2610 قیدیوں کو فائدہ پہنچایا گیا۔ اس سلسلے میں صدر کی خصوصی معافی کے تحت سینٹرل جیل اڈیالہ راولپنڈی سے 39 قیدیوں کو رہا کیا گیا جب کہ مجموعی طور پر 415 قیدیوں کی سزائیں سنائی گئیں۔
واضح رہے کہ صدر مملکت ڈاکٹر عارف علوی نے چند روز قبل عیدالفطر کے موقع پر قیدیوں کی سزاؤں میں 90 دن کی کمی کی منظوری دی تھی۔
ایوان صدر کے بیان کے مطابق صدر مملکت ڈاکٹر عارف علوی نے عیدالفطر کے موقع پر آئین کے آرٹیکل 45 کے تحت قیدیوں کی سزاؤں میں 90 دن کی کمی کی منظوری دی۔۔
قیدیوں کی سزاؤں میں کمی کا اطلاق زنا، قتل، جاسوسی، ریاست مخالف سرگرمیوں اور دہشت گردی سمیت دیگر سنگین جرائم میں سزا پانے والے قیدیوں پر نہیں ہوگا، اس کے علاوہ سزاؤں میں کمی کا اطلاق مالی جرائم کے مجرموں پر ہوگا ۔
اعلامیے کے مطابق سزا میں کمی کا اطلاق 65 سال سے زائد عمر کے مرد قیدیوں اور 60 سال سے زائد عمر کے خواتین قیدیوں پر ہوگا
