150
اردو و رلڈ کینیڈا ( ویب نیو ز)بلوچستان ہائی کورٹ نے ریاستی اداروں کے خلاف متنازع بیانات پر پاکستان تحریک انصاف کے سینیٹر اعظم خان سواتی کے خلاف درج تمام مقدمات ختم کرنے کا حکم دے دیا۔
بلوچستان ہائیکورٹ کے جسٹس ہاشم کاکڑ نے یہ فیصلہ پی ٹی آئی رہنما کے بیٹے عثمان سواتی کی درخواست پر سنایا۔
انہوں نے پولیس کو حکم دیا کہ صوبے میں سینئر سیاستدان کے خلاف درج مقدمات کو ختم کر دیا جائے۔
سماعت میں اعظم سواتی کے وکیل نصیب اللہ ترین اور ایس ایس پی انویسٹی گیشن اسد ناصر نے شرکت کی۔
یہ بھی پڑھیں ۔۔۔۔۔
متنازعہ ٹویٹس کیس میں اعظم سواتی کو کوئٹہ پولیس کی تحویل میں دے دیا گیا
اس ہفتے کے شروع میں ہائی کورٹ نے پولیس کو پی ٹی آئی رہنما کے خلاف مزید مقدمات درج کرنے سے روک دیا تھا جب ان کے بیٹے نے عدالت سے رجوع کیا تھا۔
درخواست گزار نے استدعا کی تھی کہ عدالت اس کے والد کو رہا کرے۔
یاد رہے کہ پی ٹی آئی سینیٹر کو گزشتہ جمعہ کو اسلام آباد کے جوڈیشل مجسٹریٹ کی جانب سے بلوچستان پولیس کے حوالے کرنے کے لئے خصوصی پرواز کے ذریعے کوئٹہ منتقل کیا گیا۔
