وفاقی وزارت اطلاعات نے گزشتہ روز جاری کردہ مراسلہ میں کہا ہے کہ پاکستان اور آسٹریلیا کے درمیان پرتھ ٹیسٹ میں ان کمپنیوں کے لوگوز آویزاں کیے گئے جو سروگیٹس کا جوا کھیلتی ہیں۔مراسلہ میں کہا گیا کہ روک تھام کی ہدایات جاری کرنے کے باوجود سروگیٹ کمپنیوں کی تشہیر جاری ہے جس کی تحقیقات کرکے ذمہ داروں کی نشاندہی کرکے ایک ہفتے میں رپورٹ پیش کی جائے۔
دریں اثنا، پی ٹی وی نے پرائمری میڈیا رائٹ ہولڈرز سے سروگیٹ اشتہارات کو روکنے کے لیے بات کی ہے، ایسا نہ کرنے پر لائسنس منسوخ کر دیے جائیں گے۔پی سی بی کو اس حوالے سے ہدایات پر عمل درآمد کرنے کا کہا گیا ہے۔ پی ٹی اے سے کہا گیا ہے کہ وہ سروگیٹ اشتہارات کی نگرانی کے لیے ایک ونگ قائم کرے۔