سپریم کورٹ کے فیصلے کے بعد میڈیا سے بات کرتے ہوئے پاکستان تحریک انصاف کے وکلاء نے کہا کہ عدالتی فیصلے کے بعد اب پی ٹی آئی کے امیدوار آزاد امیدوار کے طور پر لڑیں گے, ہم اس سلسلے میں پہلے ہی حکمت عملی تیار کر چکے ہیں. اور فکر کرنے کی کوئی بات نہیں ہے.
بیرسٹر علی ظفر نے کہا کہ پی ٹی آئی بھرپور طریقے سے الیکشن لڑے گی، سپریم کورٹ کے فیصلے کے بعد بھی پارٹی رجسٹرڈ ہے اور عدالت نے امیدواروں کو الیکشن لڑنے سے نہیں روکا ہے.
پی ٹی آئی کے رہنما نے کہا کہ سپریم کورٹ کا آج کا فیصلہ بہت مایوس کن ہے.
انہوں نے کہا کہ پی ٹی آئی کے 10 کروڑ ووٹر ہیں، کسی کو پارٹی کے انٹرا الیکشن پر کوئی اعتراض نہیں تھا، لیکن جو لوگ پی ٹی آئی سے متعلق نہیں ہیں انہوں نے اعتراض کیا.
انہوں نے کہا کہ سپریم کورٹ میں درخواستیں دائر کرنے والے 14 افراد میں سے کوئی بھی پی ٹی آئی کا رکن نہیں تھا.
بیرسٹر علی ظفر نے کہا کہ تحریک انصاف کے تمام ارکان سپریم کورٹ کے فیصلے کے بعد آزاد حیثیت سے الیکشن لڑیں گے, پی ٹی آئی تمام مخصوص نشستوں سے محروم ہو جائے گی اور اسے قومی یا صوبائی اسمبلی میں کوئی مخصوص نشست نہیں ملے گی، جب کہ امیدوار الگ نشان پر آزاد حیثیت سے الیکشن لڑیں گے.