اردوورلڈ کینیڈا (ویب نیوز ) نگران  وزیراعظم انوارالحق کاکڑ نے کہا ہے کہ دہشت گردی کے خلاف ہمارا پختہ عزم کمزور نہیں ہوسکتا، پوری قوم دہشت گردی کے خاتمے کے لیے متحد ہے۔

سماجی رابطے کی ویب سائٹ (X) پر ایک بیان میں انہوں نے کہا کہ چوکس مسلح افواج کے مشکور ہیں جنہوں نے چترال میں پاک افغان سرحد کے قریب فوجی چوکیوں پر دہشت گردوں کے حملے کو پسپا کیا اور دہشت گردوں کو بھاری جانی نقصان پہنچایا۔

Thanks to our alert forces, the terrorist attack on military posts near the Pak-Afghan border in Chitral, was repelled with heavy casualties on the terrorist side. Sadly, 4 brave soldiers embraced Shahadat. Our resolve to eradicate terrorism remains unshaken, and all our citizens…

— Anwaar ul Haq Kakar (@anwaar_kakar) September 7, 2023

نگران وزیراعظم نے کہا کہ افسوس کی بات ہے کہ ان حملوں میں ہمارے 4 بہادر جوانوں نے اپنی جانیں گنوائیں، دہشت گردی کے خاتمے کا ہمارا عزم غیر متزلزل ہے اور تمام شہری ہمارے ساتھ کھڑے ہیں۔

واضح رہے کہ آئی ایس پی آر کے مطابق ضلع چترال کے علاقے کیلاش میں دہشت گردوں نے دو چوکیوں پر حملہ کیا تھا جس کے نتیجے میں 4 جوان شہید جب کہ جوابی کارروائی میں 12 دہشت گرد مارے گئے تھے۔