اردو ورلڈ کینیڈا ( ویب نیوز)وزیر دفاع خواجہ آصف نے کہا ہے کہ نواز شریف وطن واپسی کے لیے ہمارے قانونی تحفظ کا انتظار کر رہے ہیں۔

نجی ٹی وی کے ساتھ گفتگو کرتے ہوئے خواجہ آصف نے کہا کہ ہم قومی اسمبلی میں اعتماد کا ووٹ لے سکتے ہیں، ہمارے نمبر پورے ہیں۔

اعتماد کا ووٹ کسی کے مشورے پر لینا ضروری نہیں، آپ خود بھی لے سکتے ہیں،

انہوں نے کہا کہ 2014 میں بھی تحریک انصاف ذلیل ہو کر اسمبلی میں واپس آئی اور اب واپس آئے تو تقریر ان کا حق بنتا ہے

خواجہ آصف نے کہا کہ پنجاب میں اعتماد کے ووٹ کے دوران حمزہ شہباز ہوتے تو فرق پڑتا، نواز شریف ہماری واپسی کے لیے قانونی کور فراہم کرنے کا انتظار کر رہے ہیں۔
اس سے قبل گزشتہ رو ز جب پنجاب اسمبلی تحلیل ہوئی تو نواز شریف کی طرف سے بیان جاری کیا گیا تھا کہ وہ ابھی وطن واپس نہیں آرہے بلکہ مریم نوازکو پاکستان بھیجا جائے گا جو اگلے چند دنوں تک پاکستان آجائیں گی اور پھر اس کے بعد نوازشریف کی واپسی کے حوالے سے فیصلہ کیا جائے گا تاہم اب خواجہ آصف کہتے ہیں کہ نواز شریف قانونی کور کا انتظار کررہے جیسے ہی انہیں قانونی تحفظ ملا وہ وطن واپس آجائیں گے ۔