اردوورلڈ کینیڈا ( ویب نیوز)پاکستان مسلم لیگ (ن) کے قائد اور سابق وزیراعظم محمد نواز شریف نے کہا ہے کہ مسلم لیگ (ن) تارکین وطن کی نمائندہ جماعت ہے، سمندر پار پاکستانیوں کے مسائل حل کریں گے۔
نواز شریف سے سعودی عرب مسلم لیگ ن کے رہنماؤں نے ملاقات کی، ملاقات میں ملکی سیاسی صورتحال پر تبادلہ خیال کیا گیا۔

پاکستان مسلم لیگ (ن) سعودی عرب کے سیکرٹری جنرل ملک منظور حسین اعوان کی قیادت میں ملاقات کرنے والے وفد میں مہر عبدالخالق لک جنرل سیکرٹری جدہ، سینئر رہنما عرفان الحسن صدرہ، ڈپٹی سوشل میڈیا ہیڈ زہیب شہزاد کھوکھر اور سیف منظور ملک، مولوی عبدالشکور شامل تھے۔ .
محمد نواز شریف نے مسلم لیگ (ن) سعودی عرب کے وفد سے گفتگو کرتے ہوئے کہا کہ سمندر پار پاکستانی ہمارا سرمایہ ہیں، تارکین وطن کے مسائل ہمارے مسائل ہیں، ہم انہیں حل کریں گے۔
سابق وزیراعظم نے کہا کہ پاکستان مسلم لیگ (ن) اوورسیز پاکستانیوں کی نمائندہ جماعت ہے، وہ پاکستان کی خراب معیشت کو دوبارہ ترقی کی راہ پر گامزن کر رہی ہے
وفد کی جانب سے مسلم لیگ ن کے قائد میاں محمد نواز شریف کی قیادت کو خراج تحسین پیش کیا گیا