اردوورلڈ کینیڈا(ویب نیوز)پاکستان تحریک انصاف (پی ٹی آئی) کے چیئرمین بیرسٹر گوہر نے کہا ہے کہ حالیہ سیلاب نے خیبرپختونخوا کو بری طرح متاثر کیا ہے، کئی علاقے اب بھی مشکلات کی لپیٹ میں ہیں اور متاثرہ خاندانوں کو زیادہ سے زیادہ مدد کی ضرورت ہے۔

 میڈیا سے گفتگو میں انہوں نے کہا کہ پاک فوج، وفاقی اور صوبائی حکومت نے ریلیف کے لیے نمایاں کردار ادا کیا ہے جس پر ہم ان کے شکر گزار ہیں، تاہم عوامی مشکلات اتنی شدید ہیں کہ مزید امدادی اقدامات ناگزیر ہیں۔

بیرسٹر گوہر نے بتایا کہ بونیر میں سو سے زیادہ افراد تاحال لاپتہ ہیں جبکہ وہاں رہائش پذیر اقلیتی برادری کے گھروں کو بھی شدید نقصان پہنچا ہے۔ انہوں نے عوام سے اپیل کی کہ وہ دل کھول کر متاثرین کی مدد کریں تاکہ اس مشکل وقت میں انہیں سہارا مل سکے۔