اردوورلڈ کینیڈا( ویب نیوز)خیبرپختونخوا کے ضلع کرک میں پاکستان کی فورسز نے کارروائی کے دوران 6 خوارج کو ہلاک کردیا۔

پاک فوج کے شعبہ تعلقات عامہ (آئی ایس پی آر) کے مطابق سیکورٹی فورسز نے 21 فروری کو کرک میں انٹیلی جنس کی بنیاد پر آپریشن کیا۔
پاک فوج کے ترجمان نے بتایا کہ آپریشن کے دوران سیکورٹی فورسز نے خوارج کے ٹھکانے کو موثر انداز میں نشانہ بنایا جس کے نتیجے میں 6 غیر ملکی دہشت گرد مارے گئے۔
آئی ایس پی آر کے مطابق کرک میں کلیئرنس آپریشن جاری ہے، سیکورٹی فورسز ملک سے دہشت گردی کی لعنت کے خاتمے کے لیے پرعزم ہیں۔