اردو ورلڈ کینیڈا ( ویب نیوز ) پاکستان اور بنگلہ دیش کے درمیان مئی میں کھیلی جانے والی وائٹ بال سیریز سے ون ڈے میچز کو ختم کر کے صرف ٹی 20 کھیلنے کا فیصلہ کر لیا گیا.
پاکستان اور بنگلہ دیش کرکٹ بورڈز نے آئندہ دو طرفہ سیریز سے ون ڈے میچوں کو مکمل طور پر ختم کرنے کا فیصلہ کیا ہے جس کی بورڈ نے بھی تصدیق کر دی ہے۔اس کے بجائے، دونوں بورڈز نے اگلے سال فروری میں بھارت اور سری لنکا میں شیڈول T20 ورلڈ کپ کی تیاری کے لیے T20 میچز کھیلنے پر اتفاق کیا، اور اس سے پہلے، اس سال ستمبر میں بھارت کی میزبانی میں شارٹ فارمیٹ ایشیا کپ بھی کھیلا جانا ہے ،فیوچر ٹور پروگرام کے تحت بنگلہ دیش کو مئی میں 3 ون ڈے اور اتنے ہی ٹی ٹوئنٹی میچوں کے لیے پاکستان کا دورہ کرنا تھا۔. اب اس دورے میں ایک روزہ میچوں کے بجائے بنگال ٹائیگرز 5 ٹی ٹوئنٹی میچ کھیلیں گے۔بنگلہ دیش جولائی میں 3 ون ڈے میچوں کے لیے پاکستان کی میزبانی کرنے والا تھا لیکن اب گرین شرٹس بنگلہ دیش میں صرف ٹی ٹوئنٹی میچ کھیلے گی۔دونوں ممالک کے درمیان یہ سلسلہ فیوچر ٹور پروگرام کا حصہ نہیں ہے تاہم دونوں بورڈز نے اس دستیاب ونڈو کو باہمی سیریز کے ساتھ استعمال کرنے کا فیصلہ کیا ہے۔
