اردو ورلڈ کینیڈا ( ویب نیوز )پاک آرمی نے سینئر صحافی ارشد شریف کے قتل کی تحقیقات کے لیے حکومت کو خط لکھ دیا ہے۔

جنرل ہیڈ کوارٹرز کی جانب سے حکومت کو ارشد شریف کے قتل کی مکمل تحقیقات کے لیے خط لکھ دیا گیا ہے۔

خط میں جی ایچ کیو سے ارشد شریف کے کیس پر کمیشن بنانے کی بھی درخواست کی گئی ہے۔

خط میں کہا گیا ہے کہ اداروں پر الزام لگانے والوں کے خلاف سخت کارروائی کی جائے۔

واضح رہے کہ اسلام آباد ہائی کورٹ نے ارشد شریف کے قتل کی تحقیقات کے لیے فوری جوڈیشل کمیشن بنانے کی درخواست مسترد کردی ہے جب کہ وزیراعظم نے معاملے کی تحقیقات کے لیے جوڈیشل کمیشن بنانے کا فیصلہ کیا ہے۔