اردوورلڈ کینیڈا( ویب نیوز) پاکستان نے اقوام متحدہ غیر مستقل رکن کے طور پر ذمہ داریاں سنبھال لیں

سلامتی کونسل کے غیرمستقل ارکان کی ذمہ داریاں سنبھالنے کے موقع پر اقوام متحدہ میں ایک تقریب کا انعقاد کیا گیا۔ سلامتی کونسل میں پاکستان کے اضافی مستقل نمائندے عاصم افتخار نے پاکستان کا پرچم لہرایا۔ پاکستان دو سال تک اپنی ذمہ داریاں اداکرے گا۔ دیگر غیر مستقل ارکان ڈنمارک، یونان، پانامہ اور صومالیہ کے جھنڈے بھی لہرائے گئے۔
منیر اکرم نے کہا کہ دنیا کو درپیش چیلنجز سے نمٹنے کے لیے سلامتی کونسل میں فعال کردار ادا کریں گے۔ پاکستان میں سیکورٹی کی مجموعی صورتحال بہت بہتر ہے۔ پاکستان ایک مضبوط ملک ہے، ہماری قوم متحد ہے۔ سلامتی کونسل میں افغانستان پر مسلسل بحث ہو رہی ہے۔
سلامتی کونسل میں پاکستان کے ایڈیشنل مستقل نمائندے عاصم افتخار نے کہا کہ افغانستان کے حوالے سے ہمارا موقف بالکل واضح ہے، ہم پرامن اور مستحکم افغانستان چاہتے ہیں۔