243
اردو ورلڈ کینیڈا ( ویب نیوز ) برطانیہ کی سیاسی تاریخ میں پہلی بار پاکستانی نژاد سیاسی رہنما حمزہ یوسف اسکاٹ لینڈ کے پہلے مسلمان سربراہ منتخب ہوگئے۔
حمزہ یوسف ایک روز قبل پارلیمنٹ سے اعتماد کا ووٹ حاصل کرنے کے بعد سکاٹش نیشنل پارٹی کے صدر منتخب ہوئے تھے اور اس کے بعد انہوں نے اسکاٹ لینڈ کے سربراہ کے طور پر حلف اٹھایا، وہ پہلے وزیر بھی بن گئے۔
حمزہ یوسف گلاسگو میں پولک سے سکاٹش پارلیمنٹ کے رکن تھے۔ وہ اس سے قبل وزیر صحت کے طور پر کام کر چکے ہیں۔ وہ صرف 26 سال کی عمر میں سکاٹش پارلیمنٹ کے رکن بنے اور پارلیمنٹ کے سب سے کم عمر رکن ہونے کا اعزاز رکھتے ہیں۔ پاکستانی نژاد حمزہ یوسف سکاٹ لینڈ کی کابینہ میں وزیر انصاف اور ٹرانسپورٹ بھی رہ چکے ہیں۔ سکاٹش رہنما کے والد کا تعلق میاں چنوں سے ہے۔
