اردو ورلڈ کینیڈا ( ویب نیوز ) پاکستان کرکٹ بورڈ نے سابق جنوبی افریقی فاسٹ باؤلر مورنے مورکل کو بولنگ کوچ اور مکی آرتھر کو کنسلٹنٹ مقرر کرنے کا فیصلہ کیا ہے جب کہ اینڈریو پاٹک کو بیٹنگ کوچ کا عہدہ دیا جائے گا۔

پاکستان کرکٹ بورڈ نے نے کرکٹ ٹیم کے لیے جنوبی افریقہ کے تین سابق کھلاڑیوں کی خدمات حاصل کرنے کا فیصلہ کیا ہے جن میں سابق فاسٹ باؤلر مورنے مورکل، سابق فرسٹ کلاس کرکٹرز مکی آرتھر اور اینڈریو پاٹک شامل ہیں۔ مکی آرتھر ماضی میں بھی پاکستانی ٹیم کے ہیڈ کوچ رہ چکے ہیں۔

یہ بھی پڑھیں

مکی آرتھر کو پی سی بی میں کون سا عہدہ دیا جائیگا ؟

ذرائع کے مطابق مورنے مورکل کو قومی کرکٹ ٹیم کے بولنگ کوچ کی ذمہ داریاں سونپی جائیں گی جب کہ فرسٹ کلاس کرکٹ میں 10 ہزار سے زائد رنز اور 27 سنچریاں بنانے والے اینڈریو پیٹک پاکستانی کھلاڑیوں کو بیٹنگ کا طریقہ سکھائیں گے۔پی سی بی نے مکی آرتھر کو کنسلٹنٹ مقرر کرنے پر رضامندی ظاہر کی ہے جب کہ وہ ڈربی شائر کے ہیڈ کوچ کے طور پر اپنی ذمہ داریاں نبھاتے رہیں گے۔

مزید پڑھیں

مکی آرتھر کے ساتھ معاملات طے پا گئے ہیں،نجم سیٹھی

پی سی بی نے کوچنگ گروپ کی تشکیل اس طرح کی ہے کہ مکی آرتھر پاکستان آئے بغیر اس کے ڈائریکٹر کا کردار ادا کرتے رہیں گے۔ وہ اگلے ماہ لاہور آئیں گے اور ورلڈ کپ سے قبل تربیتی کیمپ کو جوائن کریں گے۔مورنے مورکل انڈین پریمیئر لیگ میں لکھنؤ سپر جائنٹس کے باؤلنگ کوچ کی حیثیت سے معاہدہ ختم ہونے کے بعد پاکستانی ٹیم کو جوائن کریں گے۔اینڈریوپٹک اگلے ماہ قومی کرکٹ ٹیم کو جوائن کریں گے، وہ 2005 سے جنوبی افریقی ٹیم کے بیٹنگ کنسلٹنٹ کے طور پر خدمات انجام دے رہے ہیں۔