ملک کے صدر آصف علی زرداری پریڈ کے مہمان خصوصی ہوں گے جبکہ سعودی عرب کے وزیر دفاع سمیت غیر ملکی مہمان بھی اس تقریب میں شرکت کریں گے. چین اور آذربائیجان کے فوجی دستے بھی پریڈ کا حصہ ہوں گے، پاک فوج کے مختلف یونٹوں کے دستے سلامی پیش کریں گے.
پریڈ میں پاکستان ایئر فورس کے شاہین بھی فلائی پاسٹ پیش کریں گے، صدر پریڈ کا معائنہ کریں گے، صوبوں کا خصوصی ثقافتی شو بھی ہوگا اور پریڈ میں فلوٹس بھی دکھائے جائیں گے۔ اس کے علاوہ سیاسی اور مذہبی جماعتوں کے زیر اہتمام سیمینار اور کانفرنسیں بھی منعقد کی جائیں گی