اردو ورلڈ کینیڈا ( ویب نیوز )عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ پاکستان نے اس سے بدتر معاشی سروے کبھی نہیں دیکھا، حکومت تمام معاشی اہداف حاصل کرنے میں بری طرح ناکام رہی ہے۔
سماجی رابطے کی ویب سائٹ ٹوئٹر پر اپنے بیان میں شیخ رشید نے کہا کہ زراعت، صنعت، سرمایہ کاری میں شدید کمی ہوئی ہے، ترقی منفی ہے، برآمدات 12 فیصد، ترسیلات زر 13 فیصد اور زرمبادلہ کے ذخائر 4 ارب ڈالر سے کم ہیں۔ آئی ایم ایف کی تمام شرائط مانتے ہوئے حکومت آئی ایم ایف کو منانے میں ناکام رہی۔
وزیرخزانہ کوسمجھ نہیں آرہاکہ خزانہ کےساتھ کیاہو رہاہےڈالرکےساتھ کون سازش کررہاہےانکےپاس کوئی پلان نہیں سوائے اپنےکیسزختم کرانےاور لوگوں کی زندگی جہنم میں ڈالنے کےروٹی چاول گندم تیل بجلی کابل مہنگاہوچکاہے پہلےصرف غریب رورہاتھااب میڈل کلاس اوراپر کلاس بھی رورہےہیں
— Sheikh Rashid Ahmed (@ShkhRasheed) June 9, 2023
انہوں نے کہا کہ وزیر خزانہ کو سمجھ نہیں آرہا کہ خزانے کے ساتھ کیا ہو رہا ہے
ان کے پاس اپنے مقدمات ختم کرنے اور لوگوں کی زندگیوں کو جہنم بنانے کے علاوہ کوئی منصوبہ نہیں ہے۔
شیخ رشید نے کہا کہ روٹی، چاول، گندم، تیل، بجلی کے بل مہنگے ہو گئے، پہلے صرف غریب روتا تھا، اب متوسط اور اعلیٰ طبقہ بھی رو رہا ہے، مہنگائی 40 فیصد بڑھ گئی، دنیا میں آٹا اور تیل کی قیمت آدھی اور پاکستان میں دگنی ہو چکی ہے، مسلم لیگ ن کے پاس نہ کوئی سواری ہے نہ سٹیئرنگ وہیل پر ڈرائیور، صرف خواہشیں خواب اور خبریں ہیں۔
سابق وفاقی وزیر نے کہا کہ ن لیگ باغ الیکشن کے ٹریلر سے سمجھ لے، فلم ابھی آنا ہے، پی ڈی ایم میں پھوٹ پڑ چکی ہے، ن لیگ اور پیپلز پارٹی جلد آمنے سامنے ہوں گی عوامی مسلم لیگ کے سربراہ کا مزید کہنا تھا کہ 20 جون تک پتہ چل جائے گا کہ اونٹ کس کروٹ پر بیٹھے گا، حقیقی منصوبہ ساز بھی فیصلہ نہیں کر سکے کہ سیاسی استحکام کیسے آئے گا
