اردوورلڈ کینیڈا( ویب نیوز)سماجی رابطے ویب سائٹ ’ایکس‘پر پیغام دیتے ہوئے شہبازشریف نے لکھا کہ امریکی صدر ٹرمپ کی پیشکش کا خیر مقدم کرتے ہیں،پاکستان اور امریکا کئی دہائیوں سے قریبی شراکت دار ہیں،پاکستان اور امریکا نے دنیا میں امن و سلامتی کے فروغ کیلئے مل کر کام کیا ہے۔

وزیراعظم نے یہ بیان سماجی رابطے کی ویب سائٹ ’ایکس‘ (سابقہ ٹوئٹر) پر اپنے ایک پیغام میں دیا، جہاں انہوں نے امریکی صدر ٹرمپ کی جانب سے پاکستان کے ساتھ تعاون کی پیشکش کا خیر مقدم کرتے ہوئے کہا:”ہم امریکی صدر ٹرمپ کی پیشکش کا خیر مقدم کرتے ہیں۔ پاکستان اور امریکا طویل عرصے سے قریبی شراکت دار رہے ہیں۔”
وزیراعظم شہباز شریف نے مزید کہا کہ دونوں ممالک نے دنیا میں امن و سلامتی کے فروغ کے لیے مشترکہ کوششیں کی ہیں۔ انہوں نے اس امر پر زور دیا کہ پاکستان عالمی سطح پر اپنے شراکت داروں کے ساتھ ذمہ دارانہ تعلقات قائم رکھنے کا خواہاں ہے، اور امریکہ کے ساتھ تعلقات کی بنیاد باہمی احترام، اعتماد اور مفادات پر ہے۔