اردو ورلڈ کینیڈا ( ویب نیوز ) سانحہ پہلگام کے بعد بھارت کی جانب سے دھمکیوں کے بعد کشیدگی میں اضافہ ہو گیا۔

موجودہ صورتحال کے حوالے سے امریکہ کے پاکستان کے بارے میں بیان نےتہلکا مچا دیا ، امریکی نائب صدر جے ڈی وینس نے کہا ہے کہ پاکستان ایک ذمہ دار ملک ہے اور ہم امید کرتے ہیں کہ بھارت خطے میں تنازع کا باعث بننے والے پہلگلم مسئلے کے جواب سے گریز کرے گا۔
امریکہ نے مقبوضہ کشمیر کے علاقے پہلگام میں پیش آنے والے حالیہ واقعے پر تشویش کا اظہار کیا ہے اور امید ظاہر کی ہے کہ بھارت اس واقعے کا اس طرح سے جواب نہیں دے گا جس سے پورا خطہ کشیدگی کی حالت میں آجائے گا۔. انہوں نے کہا کہ پاکستان ایک ذمہ دار ملک ہے اور اس معاملے کی تحقیقات میں تعاون کے لیے تیار ہے۔امریکی نائب صدر جے ڈی وینس نے نیوز چینل کو انٹرویو دیتے ہوئے مزید کہا کہ واشنگٹن جنوبی ایشیا میں امن قائم کرنا چاہتا ہے۔. پہلگام کے واقعے کا جواب احتیاط اور حکمت کے ساتھ دیا جانا چاہیے۔. انہوں نے کہا کہ پاکستان ایک ذمہ دار ملک ہے اور تحقیقات میں بھارت کے ساتھ تعاون کرے گا۔یاد رہے کہ 22 اپریل کو پہلگام میں پیش آنے والے واقعے میں 26 افراد ہلاک ہوئے تھے، جن میں سے زیادہ تر غیر ملکی سیاح تھے۔. اس واقعے کے فوراً بعد بھارتی حکومت نے اسے بغیر کسی ثبوت کے سرحد پار سرگرمیوں سے جوڑ دیا، جب کہ پاکستان کی سیاسی اور عسکری قیادت نے ان الزامات کو مسترد کرتے ہوئے اقوام متحدہ یا کسی غیر جانبدار ادارے سے تحقیقات کا مطالبہ کیا ہے۔
امریکی صدر ڈونلڈ ٹرمپ سمیت کئی ممالک کے سربراہان مملکت اور سفیروں نے بھی اس واقعے کی مذمت کی ہے جبکہ امریکہ نے دونوں ممالک پر زور دیا ہے کہ وہ کشیدگی کو کم کرنے کے لیے ایک دوسرے سے بات چیت کریں، بجائے اس کے کہ کسی پر براہ راست الزام لگایا جائے۔امریکی محکمہ خارجہ کے مطابق وزیر خارجہ مارکو روبیو نے بھی دونوں ممالک کے رہنماؤں کے ساتھ الگ الگ بات چیت کی ہے جبکہ کل انہوں نے واضح طور پر بھارتی الزامات کو مسترد کرتے ہوئے معاملے کو مثبت انداز میں دیکھنے کی بات کی۔اس واقعے کے بعد بھارت کی جانب سے متنازعہ اقدامات اور اعلانات نے خطے میں انتہائی کشیدہ صورتحال پیدا کر دی ہے جبکہ ایل او سی پر جھڑپوں کی بھی اطلاعات ہیں جن میں بھارت کی جانب سے بلا اشتعال فائرنگ اور دیگر واقعات بھی شامل ہیں۔