اردو ورلڈ کینیڈا ( ویب نیوز )وزیراعظم میاں شہباز شریف نے اقوام متحدہ کے ماحولیاتی پروگرام کے ایگزیکٹو ڈائریکٹر سے ملاقات کی اور ماحولیاتی مسائل کو موثر طریقے سے حل کرنے پر زور دیا۔

وزیراعظم میاں شہباز شریف سے اقوام متحدہ کے ماحولیاتی پروگرام کی ایگزیکٹو ڈائریکٹر انگر اینڈرسن نے وفد کے ہمراہ ملاقات کی۔ .

ملاقات کے دوران ایگزیکٹو ڈائریکٹر نے وزیراعظم کو یو این ای پی کی جانب سے پاکستان میں کیے جانے والے اقدامات سے آگاہ کیا۔

اس موقع پر وزیراعظم کا کہنا تھا کہ موسمیاتی تبدیلی آج کے اہم مسائل میں سے ایک ہے، پاکستان موسمیاتی تبدیلیوں سے سب سے زیادہ متاثر ہونے والے ممالک میں سے ایک ہے، پاکستان نے موسمیاتی تبدیلیوں سے نمٹنے کے لیے بھرپور اقدامات کیے ہیں، اقوام متحدہ کو اس میں پاکستان کا ساتھ دینا چاہیے۔