اردو ورلڈ کینیڈا ( ویب نیوز )زیر خزانہ اسحاق ڈار نے کہا ہے کہ کوئی کہہ رہا ہے کہ مجھ پر آئی ایم ایف نے پابندی لگائی ہے، مجھ پر آئی ایم ایف پابندی نہیں لگا سکتا، پاکستان آئی ایم ایف اور ورلڈ بینک کا ممبر ہے بھکاری نہیں۔
اسلام آباد میں پریس کانفرنس کرتے ہوئے وزیر خزانہ اسحاق ڈار نے کہا کہ وزارت خزانہ کی اصل ذمہ داری رقم کے حوالے سے ہے۔ سپریم کورٹ نے وفاقی حکومت سے الیکشن کمیشن کو 21 ارب روپے دینے کو کہا ہے۔ رقم فراہم کرنے کے لیے 10 اپریل کی ڈیڈ لائن دی گئی، عدالت نے الیکشن کمیشن کو 11 اپریل تک پیش رفت سے آگاہ کرنے کی ہدایت بھی کی۔
اسحاق ڈار نے کہا کہ آج فجر سے پہلے نکلنا تھا اور کل امریکہ پہنچنا تھا۔ انہوں نے پرسوں سے ورلڈ بینک کے موسم بہار کے اجلاس میں شرکت کرنا تھی تاہم میڈیا میں آئی ایم ایف اجلاس کے حوالے سے قیاس آرائیاں کی جارہی ہیں
انہوں نے کہا کہ پاکستان میں آئینی بحران ہے، بحیثیت قوم ہم ایک بھنور میں پھنسے ہوئے ہیں، وزیراعظم کی درخواست پر میں نے اپنا دورہ امریکا ملتوی کیا ہے، ملکی صورتحال کے پیش نظر اجلاس میں ورچوئل شرکت کروں گا
وزیر خزانہ نے کہا کہ اہم قومی ایشوز پر ڈھیلی ڈھالی باتیں اور ڈھیلا ڈھالا تجزیہ مناسب نہیں، کوئی کہہ رہا ہے کہ مجھ پر آئی ایم ایف نے پابندی لگائی ہے، مجھ پر آئی ایم ایف کی پابندی نہیں لگ سکتی، پاکستان آئی ایم ایف کا رکن ہے
