اردوورلڈ کینیڈا ( ویب نیوز )وزیر دفاع خواجہ آصف کا کہنا ہے کہ افغان طالبان اپنی سرحدوں کے اندر عسکریت پسندوں کو روکنا چاہتے ہیں یا نہیں، پاکستان اپنی سرزمین سے دہشت گردی کے خاتمے کے لیے پرعزم ہے۔

ایک بیان میں خواجہ آصف نے کہا کہ وہ اس حوالے سے فرحت اللہ بابر کے بیان کی حمایت کرتے ہیں، پاکستان دہشت گردی کے خاتمے کے لیے پرعزم ہے، اس سے قطع نظر کہ کابل عسکریت پسندوں کو لگام دینا چاہتا ہے یا نہیں۔ .
واضح رہے کہ پیپلز پارٹی کے سابق سینیٹر فرحت اللہ بابر نے ایک بیان میں افغان حکومت کے موقف کو پریشان کن قرار دیا تھا۔
انہوں نے سوال اٹھایا کہ کیا طالبان صرف چند عسکریت پسندوں کو روکنے کے پابند ہیں۔ طالبان کا کہنا ہے کہ دوحہ معاہدہ پاکستان کے ساتھ نہیں بلکہ امریکا کے ساتھ تھا۔ طالبان کے ترجمان کہہ رہے ہیں کہ پاکستان کے لیے ان کی پالیسی مختلف ہے۔
انہوں نے کہا کہ دوحہ معاہدہ طالبان کو بعض شرپسندوں پر لگام ڈالنے کا پابند کرتا ہے۔