اردو ورلڈ کینیڈا ( ویب نیوز ) سابق چیئرمین پی سی بی رمیز راجہ نے
پاکستان جونیئر لیگ ختم کرنے کے کے حوالے سے اپنے سخت رد عمل کا
اظہار کیا۔ انہوں نے کہا کہ جونیر لیگ انتقامی سیاست کی نذر ہو گئی ہے ۔
گزشتہ روز نجم سیٹھی کی زیر صدارت پاکستان کرکٹ بورڈ کی انتظامی کمیٹی کا اجلاس ہوا
جس میں فیصلہ کیا گیا کہ ریجنل، ڈسٹرکٹ اور ڈیپارٹمنٹل کرکٹ بحال کی جائے گی، جب کہ
پاکستان جونیئر لیگ کو ختم کر دیا جائے گا جونیئر لیگ شروع کرنے والے رمیز راجہ نے اس فیصلے کیخلاف
آواز اٹھاتے ہوئے ٹوئٹر پر پیغام جاری کیا ہے۔ رمیز راجہ نے سابق امریکی باسکٹ بال کھلاڑی میجک جانسن کے
الفاظ شیئر کیے کہ ‘تمام بچوں کو تھوڑی مدد اور امید کی ضرورت ہے، اور انہیں کسی ایسے شخص کی
ضرورت ہے جو ان پر بھروسہ کرے ۔
“All kids need is a little help, a little hope and somebody who believes in them.” – Magic Johnson. It is so sad that PJL has fallen to vendetta politics & rolled back even though 7 of the kids made it to PSL 8 emerging category & 3 are part of Pak vs NZ as reserves.
— Ramiz Raja (@iramizraja) December 31, 2022
سابق چیئرمین نے لکھا، "یہ افسوس کی بات ہے کہ پاکستان جونیئر لیگ انتقامی سیاست کا شکار ہوگئی اور اسے ختم کردیا گیا،
یہاں تک کہ پی جے ایل کے 7 بچوں نے پی ایس ایل 8 کی ابھرتی ہوئی کیٹیگری میں جگہ بنائی اور ان میں سے 3 سیریز کے لیے
ریزرو کھلاڑیوں میں شامل ہیں۔
