اردو ورلڈ کینیڈا ( ویب نیوز )مارٹن رائزر کا کہنا ہے کہ پاکستان کو اندرونی اقدامات کرنا ہوں گے۔عالمی برادری پاکستان کی مدد کرے۔
انہوں نے مزید کہا کہ پاکستان کو سیلاب کی بحالی کے لیے روڈ میپ کی ضرورت ہے۔ عالمی بینک کے نائب صدر برائے جنوبی ایشیا مارٹن رائسر نے کہا کہ پاکستان کو تباہ کن سیلاب سے بحالی کے لیے معاشی اصلاحات پر عمل درآمد کرتے ہوئے عالمی برادری کی مدد کے ساتھ ساتھ اندرونی اقدامات کرنے ہوں گے ۔
رائسر نے شدید سیلاب کا سامنا کرنے کے بعد پاکستان کی صورتحال کے بارے میں بات کی اور کہا کہ ملک موسمیاتی تبدیلیوں سے بری طرح متاثر ہوا ہے
عالمی قرض دہندہ کے نائب صدر نے کہا کہ عالمی برادری کو پاکستان کی مدد کرنے کی ضرورت ہے تاہم اسلام آباد کو بھی مالیاتی اصلاحات نافذ کرنے کی ضرورت ہے۔
انہوں نے مزید کہا کہ ” سیلاب سے ہونے والی تباہی سے نکلنے کے لیے ، پاکستان کو ایک روڈ میپ کی ضرورت ہے۔”
رائسر نے کہا کہ پاکستان کو اندرونی طور پر اقدامات کرنے ہوں گے کیونکہ شہری پہلے ہی بجلی کے بھاری بلوں سے پریشان ہیں۔ "یہی وجہ ہے کہ حکام کو تقسیم میں نقصانات کا سامنا ہے اور قیمتیں زیادہ ہیں۔”
اس حوالے سے انہوں نے تجویز دی کہ پاکستان کے لیے اپنے توانائی کے شعبے میں اصلاحات لانا ضروری ہے۔
