اردوورلڈ کینیڈا ( ویب نیوز )پاکستان کو آئی ایم ایف سے ایک ارب 20 کروڑ ڈالر کی پہلی قسط موصول ہوگئی،اسلام آباد میں پریس کانفرنس کرتے ہوئے وفاقی وزیر خزانہ اسحاق ڈار نے کہا کہ انٹرنیشنل آئی ایم ایف نے ایک ارب 20 کروڑ ڈالر کی پہلی قسط اسٹیٹ بینک کو منتقل کردی ہے۔
پاکستان کو توانائی کے شعبے میں اصلاحات کی ضرورت ہے، پروگرام پر عملدر آمد کرنا ہوگا، آئی ایم ایف
وزیر خزانہ اسحاق ڈار نے کہا کہ آئی ایم ایف پروگرام کے تحت پاکستان کو 3 ارب ڈالر ملیں گے، آئی ایم ایف کا پروگرام 9 ماہ کا ہے، پاکستان کو 3 ارب ڈالر ملیں گے۔
اسحاق ڈار نے کہا کہ توقع ہے کہ ہمارے زرمبادلہ کے کل ذخائر 13 سے 14 ارب ڈالر کے درمیان ہوں گے۔ ڈالر کی قیمت بڑھ گئی، اسٹیٹ بینک اس حوالے سے اپنی رپورٹ جاری کرے گا۔
انہوں نے کہا کہ قرضہ پروگرام کے بقیہ 1 ارب 800 ملین ڈالر 2 جائزہ رپورٹس کے بعد پاکستان کو دیئے جائیں گے۔
آئی ایم ایف سے قرض منظوری کے بعد یو اے ای نے بھی ایک ارب ڈالر بھیج دئیے
انہوں نے کہا کہ آئی ایم ایف سے مذاکرات میں وزیراعظم شہباز شریف کا کردار اہم رہا ہے، ان کے علاوہ حکومت کی اقتصادی ٹیم نے بھی مشکل اور کٹھن سفر میں بھرپور ساتھ دیا۔
واضح رہے کہ انٹرنیشنل مانیٹری فنڈ کے ایگزیکٹو بورڈ نے پاکستان کے لیے 3 ارب ڈالر کے قرضے کے پروگرام کی منظوری دے دی ہے۔
آئی ایم ایف کے بیان کے مطابق نومبر اور فروری میں دوبارہ تشخیص کے بعد 1.8 بلین ڈالر کا شیڈول دیا جائے گا۔ پاکستان کی معیشت کو اندرونی اور بیرونی عدم توازن پر قابو پانے میں مدد ملے گی۔
