اردوورلڈ کینیڈا ( ویب نیوز )پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل سید عاصم منیر سے امریکہ کی ہاورڈ یونیورسٹی کے 38 طلباء نے ملاقات کی۔

ملاقات میں آرمی چیف نے علاقائی سلامتی کے امور پر تبادلہ خیال کیا۔پاک فوج کے شعبہ تعلقات عامہ کے مطابق آرمی چیف نے خطے میں امن و استحکام کے لیے پاک فوج کے کردار پر بھی اظہار خیال کیا۔ انہوں نے کہا کہ پاکستان دہشت گردی کے خلاف سیسہ پلائی ہوئی دیوار کی طرح کھڑا ہے۔
آئی ایس پی آر کے مطابق آرمی چیف نے مقبوضہ کشمیر میں انسانی حقوق کی خلاف ورزیوں پر بھی اظہار خیال کیا، آرمی چیف نے وفد کو بھارت کی جانب سے مقبوضہ کشمیر کی آبادیاتی تبدیلی سے آگاہ کیاپاک فوج کے شعبہ تعلقات عامہ کے مطابق امریکہ کی ہاورڈ یونیورسٹی کے طلباء نے تعمیری بات چیت کی دعوت پر آرمی چیف کا شکریہ ادا کیا۔