108
دفتر خارجہ کے ترجمان کے مطابق راسک پولیس ہیڈ کوارٹر پر دہشت گردانہ حملے میں 11 ایرانی اہلکار ہلاک اور متعدد زخمی ہوئے.
پاکستان نے غم کی اس گھڑی میں ایران کی حکومت اور برادرانہ عوام کے ساتھ مکمل یکجہتی کا اظہار کیا ہے.
دفتر خارجہ کے ترجمان نے کہا کہ دہشت گردی علاقائی اور عالمی امن و سلامتی کے لیے خطرہ ہے، دہشت گردی کا مقابلہ دو طرفہ اور علاقائی تعاون سمیت ہر طرح سے کرنے کی ضرورت ہے.
واضح رہے کہ ایران کے جنوب مغربی علاقے راسک ٹاؤن میں مسلح افراد نے پولیس ہیڈ کوارٹر پر اندھا دھند فائرنگ کی جس سے 11 افراد ہلاک اور متعدد زخمی ہوئے.
ایران کے سرکاری میڈیا کے مطابق یہ حملہ صوبہ سیستان بلوچستان میں سرگرم ایک علیحدگی پسند گروپ نے کیا. پولیس کی جوابی کارروائی میں کئی حملہ آور بھی مارے گئے.
