اردوورلڈ کینیڈا( ویب نیوز)پاکستان تحریک انصاف کو ضلعی حکومت سے کوئٹہ میں جلسے کی اجازت نہ مل سکی۔تحریک انصاف نے ایوب سٹیڈیم یا ہاکی گراؤنڈ میں جلسے کے لیے ضلعی انتظامیہ کو درخواست دی تھی، ضلعی انتظامیہ نے پی ٹی آئی کی جلسے کی درخواست مسترد کر دی۔
ڈپٹی کمشنر کوئٹہ نے کہا ہے کہ امن و امان کے حوالے سے خدشات ہیں، سیکورٹی فراہم کرنا چیلنج ہوگا، خلاف ورزی کی گئی تو کارروائی ہوگی۔
دوسری جانب پی ٹی آئی بلوچستان کے ترجمان نے کہا ہے کہ ہم ہر حال میں جلسہ کریں گے۔
پی ٹی آئی کے جلسے کے اعلان کے پیش نظر ریلوے ہاکی گراؤنڈ کے اطراف سیکیورٹی ہائی الرٹ کر دی گئی ہے، ریڈ زون اور ہاکی چوک میں پولیس کی بھاری نفری طلب کر لی گئی ہے۔