16
اردوورلڈ کینیڈا( ویب نیوز)پاکستان تحریک انصاف احتجاج کے معاملے پر تنازع کا شکار ہے جس کے باعث پی ٹی آئی نے ملک گیر احتجاج کا فیصلہ منسوخ کر دیا ہے۔
پارٹی ذرائع کے مطابق تمام اعلان کردہ جلسے اور احتجاج منسوخ ہونے کا امکان ہے، پشاور میں ہونے والا جلسہ بھی منسوخ کر دیا گیا ہے جب کہ گرفتاریوں اور دیگر مسائل سے بچنے کے لیے نئی حکمت عملی اپنائی جائے گی۔
ذرائع کا کہنا ہے کہ اجلاس کے بجائے صوابی میں احتجاجی دھرنا دیا جائے گا، دھرنا کم از کم تین روز تک جاری رہے گا، دھرنے میں ملک بھر سے کارکنان اور رہنما شریک ہوں گے۔
پارٹی رہنماؤں نے تصدیق کی ہے کہ دھرنے کے انتظامات کو حتمی شکل دی جا رہی ہے، دھرنے کے لیے 10 تاریخ کے بعد مناسب دن کا انتخاب کیا جائے گا، دھرنا صوابی کی رہائش گاہ پر دیا جائے گا۔
