اردوورلڈکینیڈا( ویب نیوز)پاکستان انٹرنیشنل ایئرلائنز نے اعلان کیا ہے کہ وہ اس ماہ پاکستان سے کینیڈا جانے والی پروازیں عارضی طور پر روک دے گا۔

پی آئی اے کے ترجمان کے مطابق یہ فیصلہ خاص بوئنگ 777 لانگ رینج طیاروں کی تکنیکی دیکھ بھال اور میٹیننس کے لیے کیا گیا ہے، جو بحر الکاہل عبور کرنے کی صلاحیت رکھتے ہیں اور 17 گھنٹے تک مسلسل پرواز کر سکتے ہیں۔

ترجمان نے بتایا کہ یہ دونوں طیارے تین ہفتوں تک مکمل تکنیکی معائنے، ضروری پرزہ جات کی تبدیلی اور دیگر دیکھ بھال کے عمل سے گزارے جائیں گے، جو ہر دس سال بعد لازمی ہوتا ہے۔ اس کا مقصد یہ ہے کہ آنے والے مہینے میں مسافروں کے بڑھتے ہوئے رش سے پہلے طیارے مکمل طور پر محفوظ اور فٹ ہوں۔

پی آئی اے نے مسافروں سے معذرت کی ہے اور واضح کیا کہ مسافروں کی حفاظت اور طیاروں کی مکمل کارکردگی اولین ترجیح ہے۔