اردوورلڈ کینیڈا( ویب نیوز)معروف پاکستانی اداکارہ اور ماڈل صبا قمر نے سوشل میڈیا سے عارضی دوری کا اعلان کر دیا ہے۔

تصویر اور ویڈیو شیئرنگ ایپ انسٹاگرام پر شیئر کی گئی ایک کہانی میں صبا قمر نے لکھا، زندگی میں بعض اوقات اپنے آپ کو وقت دینے اور دوبارہ بہتر محسوس کرنے کے لیے ایک قدم پیچھے ہٹنا ضروری ہوتا ہے۔
انہوں نے مزید کہا کہ وہ حالیہ دنوں میں سوشل میڈیا پر زیادہ متحرک نہیں رہی ہیں
اداکارہ نے اپنے مداحوں کی محبت کا شکریہ ادا کرتے ہوئے کہا کہ وہ ٹھیک ہیں اور یہ وقفہ صرف عارضی ہے۔. انہوں نے یقین دلایا کہ وہ جلد ہی دوبارہ سوشل میڈیا پر سرگرم ہو جائیں گی۔
واضح رہے کہ حال ہی میں صبا قمر کی ایک ویڈیو وائرل ہوئی تھی جس میں وہ ایک نجی میگزین کے لیے فوٹو شوٹ کرتے ہوئے نظر آئی تھیں۔. جیسے ہی یہ ویڈیو وائرل ہوئی، اسے صارفین کی جانب سے شدید تنقید کا سامنا کرنا پڑا، جس کے بعد انہوں نے کچھ دیر سوشل میڈیا سے دور رہنے کا فیصلہ کیا۔