88
اردو ورلڈ کینیڈا ( ویب نیوز ) امریکی محکمہ خارجہ کے ترجمان میتھیو ملر کا کہنا ہے کہ عمران خان کے خلاف قانونی کارروائی کا فیصلہ پاکستانی عدالتوں کو کرنا ہے۔ امریکی محکمہ خارجہ کے ترجمان میتھیو ملر نے پریس بریفنگ کے دوران پی ٹی آئی کے بانی عمران خان کی سائفر کیس میں بریت پر ردعمل کا اظہار کرتے ہوئے کہا کہ بانی پی ٹی آئی سے متعلق کئی بار سوالات کے جواب دے چکے ہیں۔
انہوں نے کہا کہ ہم مختلف ممالک کے حوالے سے فیصلے کے لیے مناسب حالات اور سیاق و سباق کو مدنظر رکھتے ہیں۔ بانی پی ٹی آئی کے عدت کیس کے بارے میں پوچھے جانے پر امریکی محکمہ خارجہ کے ترجمان نے کہا کہ فیصلہ پاکستانی عدالتوں کو کرنا ہے۔واضح رہے کہ گزشتہ روز اسلام آباد ہائی کورٹ نے عمران خان اور شاہ محمود قریشی کو سائفر کیس میں بری کر دیا تھا۔
