98
اردوورلڈ کینیڈا( ویب نیوز)پاکستانی وفد نے امریکی جیل میں قید ڈاکٹر عافیہ صدیقی سے ملاقات کی اور امید ظاہر کی کہ حکومت جلد ان کی رہائی کا فیصلہ کرے گی۔
پاکستانی وفد نے وزیراعظم شہباز شریف کی ہدایات پر ڈاکٹر عافیہ صدیقی سے تقریباً 3 گھنٹے تک ملاقات کی۔
اس کے علاوہ پاکستانی وفد نے عافیہ صدیقی کی رہائی کو محفوظ بنانے کے لیے امریکی کانگریس اور محکمہ خارجہ کے حکام سے بھی ملاقات کی۔
پاکستانی وفد میں شامل سینیٹر بشریٰ انجم نے نجی نیوز چینل کو بتایا کہ عافیہ صدیقی کی رہائی کے لیے امریکی حکام سے بات چیت مثبت رہی۔
انہوں نے امید ظاہر کی کہ امریکی حکومت بھی 20 جنوری سے پہلے عافیہ صدیقی کی رہائی کا فیصلہ کر لے گی۔
ان کا مزید کہنا تھا کہ عافیہ صدیقی کا معاملہ انسانی حقوق کا عالمی مسئلہ ہے۔
ملاقات کے دوران ڈاکٹر عافیہ کا کہنا تھا کہ انہیں اب بھی انصاف ملنے کی امید ہے۔
