اردو ورلڈ کینیڈا ( ویب نیوز ) کینین پولیس کی طرف سے بات کی تصدیق کی گئی ہے کہ سینئر پاکستانی صحافی ارشد شریف کو کینیا کی پولیس نے غلط فہمی کی بنیاد پر گولی مار ی
غیر ملکی میڈیا کے مطابق ارشد شریف کو کینیا کی پولیس نے نیروبی کے قریب اس وقت سر میں گولی ماری جب ان کے ڈرائیور نے ایک چوکی پر مبینہ طور پر قواعد کی خلاف ورزی کی۔
اس حوالے سے کینیا کی پولیس کا کہنا ہے کہ پاکستانی صحافی اپنے ڈرائیور کے ساتھ گاڑی سے نیروبی جا رہے تھے کہ پولیس نے راستے میں ناکہ بندی کر کے چیکنگ کی۔
کینیا کے ایک پولیس افسر کی جانب سے جاری بیان میں ارشد شریف کی پولیس کی فائرنگ سے ہلاکت کا اعتراف کرتے ہوئے کہا گیا کہ پاکستانی صحافی کی ہلاکت غلط شناخت کی وجہ سے ہوئی، اس حوالے سے مزید معلومات بعد میں جاری کی جائیں گی۔
پولیس کے مطابق ہمیں ارشد شریف کی گاڑی میں ایک بچے کو یرغمال بنائے جانے کی اطلاع ملی، جسے روڈ بلاک کر کے چیک کیا جا رہا تھا کہ اس دوران پاکستانی صحافی کے ڈرائیور نے گاڑی روکنے کی بجائے قواعد کی خلاف ورزی کی۔ لیکن ان کا پیچھا کیا گیا اور پھر یہ افسوسناک واقعہ پیش آیا۔
کینیا پولیس ہیڈ کوارٹر کا کہنا ہے کہ انڈیپنڈنٹ پولیسنگ اوور سائیٹ اتھارٹی معاملے کی تحقیقات کر رہی ہے۔
