116
اردو ورلڈ کینیڈا ( ویب نیوز ) سکاٹ لینڈ میں پاکستانی شہری کاشف انور نے اپنی حاملہ بیوی فوزیہ جاوید کو پہاڑی سے دھکا دے کر قتل کردیا۔
بین الاقوامی خبر رساں ادارے کے مطابق سکاٹ لینڈ کی عدالت نے 29 سالہ پاکستانی شہری کاشف انور کو بیوی کے قتل کے جرم میں 20 سال قید کی سزا سنادی۔
ملزم پر الزام تھا کہ وہ اپنی حاملہ بیوی 31 سالہ فوزیہ جاوید کو طلاق کے بہانے سیاحتی علاقے میں لے گیا اور اسے پہاڑی سے دھکیل دیا۔ فوزیہ جاوید اونچی جگہ سے گر کر جاں بحق ہو گئی۔
ملزم نے عدالت میں صحت جرم سے انکار کرتے ہوئے کہا کہ میرا اپنی بیوی سے جھگڑا تھا لیکن یہ غلط ہے کہ میں نے اسے قتل کیا لیکن وہ پائوں پھسلنے سے نیچے گر گئی۔
تاہم عدالت میں پیش کیے گئے شواہد اور عینی شاہدین کے بیان کی روشنی میں ایڈنبرا کی ہائی کورٹ نے ملزم کے بیان کو مسترد کرتے ہوئے ملزم کو 20 سال قید کی سزا سنادی۔
