اردو ورلڈ کینیڈا ( ویب نیوز ) پاکستانی کوہ پیما نائلہ کیانی نے نیپال میں واقع دنیا کی تیسری بلند ترین چوٹی کینچن جنگا کو عبور کرکے ایک اور سنگ میل عبور کیا ہے۔

نائلہ کیانی یہ کارنامہ انجام دینے والی پہلی پاکستانی خاتون کوہ پیما بن گئی ہیں جنہوں نے آٹھ ہزار میٹر سے اوپر بارہ چوٹیوں کو سر کیا۔ اس سے قبل، وہ ماؤنٹ ایورسٹ، K2، اور نانگا پربت سمیت دیگر اونچی چوٹیوں پر بھی قومی پرچم لہرا چکی ہیں۔نائلہ کیانی کی کامیابی نہ صرف پاکستانی خواتین کے لیے فخر کا باعث ہے بلکہ ملک کے کوہ پیمائی کے شعبے میں بھی نئی تاریخ رقم کر رہی ہے۔
کینچن جنگا (Kangchenjunga)
دنیا کی تیسری بلند ترین پہاڑی چوٹی ہے، جو ہمالیہ کے سلسلہ کوہ میں واقع ہے۔ اس کا بلند ترین نقطہ 8,586 میٹر ، 28,169 فٹ بلند ہے۔ کینچن جنگا پانچ بلند چوٹیوں پر مشتمل ہے، جنہیں مقامی زبان میں "پانچ خزانے برف کے” کہا جاتا ہے۔کینچن جنگا کا مطلب برف کے پانچ خزانے  (Five Treasures of Snow)۔