اردو ورلڈ کینیڈا ( ویب نیوز ) آسٹریلیا کے شہر میلبورن میں جاری چیمپئن شپ کے فائنل میں حمزہ نے مصر کے محمد زکریا کو تین ایک سے شکست دی۔

حمزہ خان کی جیت کا سکور 12-10، 12-14، 3-11 اور 6-11 تھا، وہ 37 سال بعد ورلڈ جونیئرز جیتنے والے پہلے پاکستانی کھلاڑی ہیں۔

حمزہ سے پہلے جان شیر خان نے یہ اعزاز 1986 میں جیتا تھا۔اس سے قبل سیمی فائنل میں حمزہ نے فرانس کے میلول سیانی مانیکو کو تین دو سے شکست دی، حمزہ اور فرانسیسی کھلاڑی کے درمیان مقابلہ 81 منٹ تک جاری رہا۔حمزہ خان نے یہ میچ 8-11، 4-11، 12-10، 11-09 اور 11-13 سے جیتا۔ حمزہ کی ابتدائی برتری کے بعد فرانسیسی کھلاڑی نے واپس آ کر میچ برابر کر دیا۔

حمزہ نے تیسرے اور چوتھے گیم میں برتری حاصل کی لیکن آخر میں اسے برقرار نہ رکھ سکے۔ فیصلہ کن کھیل میں پاکستانی کھلاڑی نے مضبوط اعصاب کا مظاہرہ کیا۔میچ کے دوران ریفری نے حمزہ کے خلاف متنازع فیصلے بھی دیئے۔واضح رہے کہ عامر اطلس خان نے آخری بار 2008 میں ورلڈ جونیئر کا فائنل کھیلا تھا۔