اردو ورلڈ کینیڈا ( ویب نیوز)پاکستان مسلم لیگ (ن) کے قائد میاں محمد نواز شریف نے کہا ہے کہ پاکستانی سیاست نے عمران خان سے بڑا دہشت گرد کبھی نہیں دیکھا۔
ندن میں میڈیا سے گفتگو کرتے ہوئے مسلم لیگ (ن) کے رہنما کا کہنا تھا کہ حکومت نے عمران خان کے الزامات کی تحقیقات کے لیے جے آئی ٹی بنا دی ہے، جو تحقیقات مکمل کرکے رپورٹ پیش کرے گی۔
چیئرمین تحریک انصاف پر تنقید کرتے ہوئے انہوں نے مزید کہا کہ دنیا پہلے ہی جانتی تھی کہ عمران خان ہیرا پھیری اور فراڈ ہے لیکن وہ دہشت گرد بھی ہیں یہ کسی کو معلوم نہیں تھا۔
نواز شریف نے کہا کہ وہ (عمران خان) ہر معاملے میں دوسروں سے آگے نکل رہے ہیں چاہے وہ دہشت گردی کا ہی کیوں نہ ہو۔
یہ بھی پڑھیں
عمران کی جگہ کو ئی بہادری اور غیرت والا ہوتا تو وہ شرم سے ڈوب جاتا،نواز شریف
مسلم لیگ (ن) کے سربراہ کا مزید کہنا تھا کہ پولیس کی جانب سے ان پر پیٹرول بم پھینکے گئے، اگر پولیس والے نہ بھاگتے تو کیا وہیں جل جاتے، اگر پولیس اہلکار وہاں مرتے تو ہنگامے ہوتے، کس نے کیا؟ انہیں سکھایا؟ پولیس والوں پر پیٹرول بم پھینکنا۔
میاں نواز شریف نے کہا کہ پہلی بار کسی سیاسی جماعت کی جانب سے ایسا اقدام کیا گیا ہے جو ناقابل برداشت ہے، ان لوگوں کے خلاف سخت کارروائی ہونی چاہیے۔
