اردو ورلڈ کینیڈا ( ویب نیوز ) نوجوان ویٹ لفٹر نے یونائیٹڈ ورلڈ اسپورٹس اینڈ فٹنس فیڈریشن کے زیر اہتمام باڈی بلڈنگ ورلڈ چیمپئن شپ میں 2 گولڈ اور 1 سلور میڈل جیت کر ملک کا نام روشن کیا۔
سکھر سے تعلق رکھنے والے ویٹ لفٹر یوسف اعوان نے 2021 میں باڈی بلڈنگ مقابلوں میں مسٹر سندھ کا ٹائٹل جیتا، بعد ازاں ساؤتھ ایشیا چیمپئن شپ میں شرکت کرکے تیسری پوزیشن حاصل کی اور اب ورلڈ چیمپئن شپ میں قوم کی نمائندگی کر رہے ہیں۔پاکستان کے نوجوان ویٹ لفٹر یوسف اعوان نے اپنی مدد آپ کے تحت تھائی لینڈ میں ہونے والی ورلڈ چیمپئن شپ 2024 میں دو گولڈ اور ایک سلور میڈل جیت کر پاکستان کا نام روشن کیا۔باڈی بلڈر یوسف اعوان نے کہا کہ جب مالی مشکلات پیش آئیں تو سندھ حکومت کے ترجمان اور میئر سکھر ارسلان شیخ نے بھرپور تعاون کیا۔انہوں نے حکومت سے اپیل کی کہ اگر ان کا بھرپور ساتھ دیا جائے تو وہ پاکستان کا نام روشن کر سکتے ہیں۔
