اردوورلڈ کینیڈا( ویب نیوز)امریکہ میں ایک پاکستانی نوجوان کو یہودیوں پر حملے کی منصوبہ بندی کے الزام میں گرفتار کر لیا گیا۔امریکی محکمہ انصاف کی رپورٹ کے مطابق 20 سالہ پاکستانی نوجوان محمد شاہ زیب کو کینیڈا میں یہودیوں پر حملے کی منصوبہ بندی کے الزام میں گرفتار کیا گیا۔ شاہ زیب نے مبینہ طور پر ایک خفیہ ایجنٹ کو بتایا کہ وہ نیویارک کو نشانہ بنانا چاہتا ہے کیونکہ اس میں یہودیوں کی بڑی آبادی ہے۔
امریکی حکام کے مطابق ملزم اسرائیل پر حماس کے حملوں کے ایک سال بعد 7 اکتوبر کو داعش کے نام پر یہودیوں کو قتل کرنا چاہتا تھا۔ شاہ زیب نے 4 ستمبر کو کینیڈا سے امریکہ آنے کے لیے 3 مختلف گاڑیاں استعمال کیں۔ اسے کینیڈا کی سرحد کے 12 کلومیٹر کے اندر سے گرفتار کیا گیا۔ جرم ثابت ہونے پر شاہ زیب کو 20 سال قید ہو سکتی ہے۔